الرئيسية / مجتمع / اعقدي وانوي

اعقدي وانوي

في قديم الزمان اقتسم سكان العاصمة الجزائر المكان، فأصبح للرجل الشارع وللمرأة السطح، وبما أن كل البيوت متراصة سمح ذلك للنسوة بالانتقال عند بعضهن البعض، وأثناء اجتماعهن كانت البوقالات سيدة الجلسة خاصة في شهر رمضان، حيث تنوي الواحدة بينها وبين نفسها أن تهدي البوقالة لأحدهم ويقال أنها كثيرا ما كانت “أي البوقالة” تعبر عن حالة صاحبتها.

 

أما فائدتها فكانت حينها السلوى الوحيدة لنساء العاصمة:

 

 

– جايز على باب دارنا يفصل في العكري قلتلو يا شاب فصللي على قدي قالي حتى اتجي عندي نفصلك قاط مذهب ونزيدلك من عندي.

 

– ماشي في خاطركم في خاطر الشاب لي معاكم ياللي طالعين للجبل أدوني معاكم.

 

– خرجت بدر البدور طلقت الشعور زادت في جناني تمنيتها تكون في داري تدخل وتخرج قدام عدياني.

 

 -جارتي يا جارتي قلبي عليك وعيني فيك واش نعمل واش نواسي إذا بوك ما قبل بيا.

 

 – قعدتنا زينة فيها لحباب والنساب والبراني يقعد زاه قدام الباب.

 

 

– بابا بغالي ولد عمي ويما بغاتلي ولد خالي وأنا قلتلها ما نخذش غير لي يواتيني.

 

 -قاعدين في الجنان بين الفل والياسمين قالي أنا نويتك حلال ليا يا بنية قتلوا اذا كان هكذا روح شوف خاوتي و والديا.

 

 -يرحم الضعيف ويعاون الزوالي يستحق الشكر من كل الأهالي هذا ما يكون غير ولد خالي.

 

– خدودها وردي وشفايفها عكري وشعرها كحل توت يا ناس أحسنو عوني أنا وجهي صفر من مسبوغة لشفار.

 

 – ساس الرملة لا تعاليه و ولد الناس لا تربيه.

 -قالي نروح للبلاد البعيد ونجيبلك هدية باش تحني عليا يا بنية قتلو قلبي ما يحنش حتى يشوف بعينيا.

 

 – ترجمان يا ترجمان يا ورد كل اللوان جازوا عليا 3 بنات واحدة رافدة الكابة

والثانية رافدة الكابة ولخرى رافدة حزام وأنا ديت شوشة سيدي فلان.

 

 -قولو قولو والقول سابق فيكم أنا ديت الخمري أو 10 في عينيكم.

 

 – سميت سميتو والكبش ضحيتو اذا بغا ربي نعيا في بيتو.

 

 -قاعد معاها في التصديرة هو شاب وهي صغيرة الله يحفظهم مالعين والغيرة

 

 -كحلي كحل التوت والليل الياقوت أنا نحبها واللي يحب يموت يموت

 

 -لوكان نعرف السعود ينغرس بالعود نغرس ستين عود من عودي واذا السعد منك يا مسعود ياسقام السعود سقملي سعدي.

 

 -الشاب طالع يفطر والعاتق طالعة تنشر تلاقات العين فالعين والقلب تكسر.

 

– الشمعة يا الشمعة يا الشمعة الضواية لو كان نعرف وشبيك نمسح هذيك الدمعة

من خديك ونرد وجهك مرايا يا ربي يا معبود اقبل دعاية يا رجع لي زهو

الزمان ويعيا الحبيب قاعد معايا.