الرئيسية / مجتمع / اعقد وانوي

اعقد وانوي

 في قديم الزمان اقتسم سكان العاصمة الجزائر المكان فأصبح للرجل الشارع

 

وللمرأة السطح، وبما أن كل البيوت متراصة سمح ذلك للنسوة بالانتقال عند بعضهن البعض، وأثناء اجتماعهن كانت البوقالات سيدة الجلسة خاصة في شهر رمضان، حيث تنوي الواحدة بينها وبين نفسها أن تهدي البوقالة لأحدهم

ويقال إنها كثيرا ما كانت “أي البوقالة” تعبر عن حالة صاحبتها.

أما فائدتها فكانت حينها السلوى الوحيدة لنساء العاصمة

– وفي زمـاني ولهانـة يالو كان تجي وتجيني وتديني معاك وماتخليني راني في الحب عشقانـة

 -الدموع من العيون سيالة والقلوب دايرة وجوالة وأنا نتعذب ونقاسي ونقول وين حبابي وين ناسي ونقول ياليل ياعين

 -نديك ونعيشو هانيين ونطلعو للقمر ونقول ياليل ياعين

 -نوضو يا نايمين بنات السلطان جايـيـن فيهـم واحـدة زينـة الزين تعشق الحواجب والعيــن

-يابـايع المحـاجب ويامقرون الحواجـب ويـن الحبيـب وين الـصـاحب ويـن القلب راه ذاهب

 -الدنيا ولات صعيبـة وما الصعب تلقـى حبيبـة جنبـك مع جنبهـا ولي تطيح فيها تلقاها ديبـة

– وينك ياغزالي وينك ياغزالي عودلي واشفق على حالي غيابك عذاب وشوقك نار والحياة بلابيك ما تحلالي

 -عذبني وحـرق لـي قلبـي والشكوى لمـن يانـاس … الشكوى غير لربـي

 -داير على باب دارنا يرمي في حب الملوك قالك ياللة ما يشريني بوك قولتيلو الحر ما يتباع طم الذهب على الذهب وما تكون طماع، قالي

نخدم عليك ونصرف الغالي وعلى بنت الرجال نخسر رأس المال

 – بخط يدو معلم قالي راني بعيد بصح من قلبك راني قريب وان شاء الله ما نعود بعيـد سلامـي للحبيب بعثتـو فـي ورق ذهـب كتبتو وبحروف فضـة رشمـت رد علي السلام مسلم

 -الناس بلحبيــب والناس على الفرحة اتهني وأنـا الغرام الـلي ملكنـي

 -يا قايدين الشموع هاكوا شمعة قيدوها بالاك الغايب يعود والفرحة نعاودها

 -ما تعجبك ورقة الدفلة فالغابة دير الضلايل وما يعجبك زين الطفلة حـتـى تشوف الفعايل

 -ياعلي علي يالي اسمك غالي رجع روحك طبيب ونجي وأجي تشوف حالي نفرشلك فراش حرير ونغطيك بيزاري.

 -عمتي يا عمتي واشبيك غضبانة إذا بيك على الطعام راني شبعانة وإذا بيك على الماء راني رويانة واذابيك على كحل العين مانديه غير أنــا

 -جازو علي 3 بنات يغرس فالزهر قلت لهم كي ينبت خلولي حقي قالت اللولى هذا الزهر منسوب وقالت الثانية الزهر مكسوب وقالت الثالثة نشوف المكتوب وأنا عقلي مشا مع المكتوب

 -ضحكو وضحكت معاهم وكليت ملحهم وبعد يمات كذبوني وشربولي لمرار ندمت اللي عرفتهم

 -مشيت مشيت حتى عييت جربت مع لمليح والدوني بصح مازال ما لقيت اللي يولمني يحمل طبايعي ويديرني امرة في البيت فرج يا ربي وابعث لي الراجل لي تمنيتو

 -أنا شابة ومهري غالي واللي يبغيني يديني يحسب النجوم ويسهر الليالي و يبنيلي قصور العلالي و إيلا بغا الغالي نجيبلو بنات والدراري

 -جيتكم يالوالدين بجاه النبي لا تخلو يطول عذابي أنـا نبغيها وزينها هـو سبابـي

 -اللي جرحلي قلبي ودواه واش مالعين تلقاه نطلب من ربي الفتاح يخلوني نرتاح

 -رديت دفة على دفة وطويت فراشي لفة على لفة أنت سعدي شمعتك لا تطفى

 -دارنـا كبيرة وسورها عالي الخير ديما فيها دايم يارب يا كريم احفظ ذاك الخير و النعايم

 -الناس كسبت الشطب والحطب وأنا كسبت الطير لمنقارو فضة وريشو ذهب

 -العقل سواها والدم في العروق دورها وفي الكبدة فورها وأدها للقلب رسمها وعلى اللسان خرج اسمها

 -زوج سبوعـة متفاتنين عليـا قالولي مالكي يابنية حاجتك بين الحد والاثنين مقضية

 -كوات قلبي بالجمر ثلاث بنات يغسلو بالصابون وحدة دايرة كالشمس والثانية دايرة كالقمر والثالثة نجمة.