البوقالة ليست مجرد لعبة أو تسلية، بل طقس رمضاني يحمل طابعا روحانيا واجتماعيا، تجلس النساء حول إناء فخاري، وتوضع داخله خواتم تملكها الحاضرات، ثم تسحب قطعة مع قراءة مقطع يشبه الشعر الملحون، أو دعاء يُفسر على أنه “فأل” لصاحبة الغرض.
-لالة علاش عليك هاذ التخمام اللي تتمنايه يجيك لو كان على طول العام.
-ريت الغزالة والجبال تصيح ترعى في الخزامة وثقيل في الشيح حق راكب الناقة وحب التسبيح اللي فارق الحبيبة كل عظم منه يصيح.
– دموع طيح جمر ودموع طيح ياقوت عام ايجي أخضر وعام بيض ياك قولتوا اللي عندو الزهر الحب عمرو ما يموت.
-رشيت عتبة الباب بالزهر والطيب وسقيت قاع لحباب بالعسل وزبيب وستنيت جاني جواب فكرني في الحبيب.
-شفت الزين بعيني واش يصبرني عليه بكيت على سنيني اللي فاتت بلا بيه الحبيب اللي يبغيني ليا ربي يخليه.
-طلعت لراس لجنان شديت بحرف النيل جاز علي غراب قالي لي غريب مسكين والله ماني غريب في غربتي راحة بيني وبين لحبيب خوخة وتفاحة تفاح من الذهب في راس الليل الحوت في الما والما ايولول.
-دارنا في الجبل ودار لحبيب في اسفل حجبني بابا ما صبت من نرسل رسلتك في برية قرنفلة صفرا قولتلك يا عدو بن عدو بدلتني باخرى نبدلك وكيما بكتيني نبكيك أنا ناخد صاحبك واللي عزيز عليك يلبس لباسك ويعطي الشبايه ليك.
-سيدي يا سيدي وشبيك لا توشفيني تذبل عينيك ماني سبع ناكلك ما معيشتي على يديك نطلب ربي لحنين ايفيد دعوتي فيك تعود تمشي والتابعة تبع فيك .
-فاطمة يا فطوم وين ما تكوني نرسلك مرسول إذا سكنتي في السما نرسلك حمامة وإذا سكنتي لبحر نرسلك عوامة وإذا سكنتي في القبر ايحاسبك مولانا.
-دارنا في الجبل مقابلة مكة وفراشها حرير طبقة على طبقة ومصباح القصة يشعل ما يطفى.
-علاش يا لالا لحشام رحمة الله واسعة وكبيرة لو كان جات بالكلام نتحدثوا ونعطوك تدبيرة بصح كل شيء بالمكتوب ويعيا الخير ايبان وتروح الحيرة.
