البوقالة ليست مجرد لعبة أو تسلية، بل طقس رمضاني يحمل طابعا روحانيا واجتماعيا، تجلس النساء حول إناء فخاري، وتوضع داخله خواتم تملكها الحاضرات، ثم تسحب قطعة مع قراءة مقطع يشبه الشعر الملحون، أو دعاء يُفسر على أنه “فأل” لصاحبة الغرض.
-إذا أنت ليل أنا نجمة تضويك، إذا أنت بحر أنا موجة تقويك، وإذا أنت ربيع أنا وردة فيك، حلفت ميات يمين غير أنا اللي نديك.
– بعثلك سلامي في الماء الأزرق، بعثلك دموعي في القلب تحرق، والله ما دريت من الحب اللي بيني وبينك يفرق، نكوي هذا القلب باش ما يزيدش يعشق.
-ابريق الفضة في يدي مليان مسك وطيب، هو شمعة عندي نهديهم للحبيب كي نلقاه، عندي ماردت لا دوا لا طبيب.
– عليك نبني ونهدم ونفوت، دوك اللي طارو يا موردة الخد نعطيك أسرار ونحلفلك ما لحد الكاف نحول حجارو.
-مقدود القد مسقم اغزال شافت العين شارلي وتبسم، قالي أهلك وين، حشمت لا نتكلم وحمارو الخدين.
– يا الحمام المعلي نعطيك تدي جواب أصفا وأرواح مولي جيب خبر اللي غاب شتى في هذا البر وإلا فات حدا لبحر ولا تحت الحجر ولا فوق السحاب.
– شفت الزين بعيني واش يصبرني عليه، ابكيت على سنيني فاتت بلا بيه، الحبيب ليا ربي يخليه.
– ألبست القاط جديد وبلفتول غطيت راسي وناديت نهار العيد وقاع لميت ناسي، جاني من بعيد اللي فك أحباسي.
– قاعد وحدي نخمم، جاني الطير فوق راسي اتبسم، حاسب بشار الخير نطق سعدي تكلم، قالك أغطاك حرير.
– اعقبت على لسمر مذبل العينين، أمليت حجري بالسكر والورد والياسمين، بيه القلب انصب ما طاق فراق الزين.
– طير والريش محني فات اليوم الصباح عند الباب، يقابلني تبسملي وراح اعليه نشعر ونغني وعليه نعود مداح.
-بيدي سقيت لحبق جنان دار النوار، اسمعت الباب يدق، حليت لولد الجار جاء القلب سرق، ما خزرش المزهار لو كان يتكلم حق ويقول قاع اللي صار.
-لحقت بلخضر ومليت لعيون بالورد والزهر وياك الحب جنون واللي جاني يخير الحظ وعندي مضمون.
-رونت الحنة بيدي وفرشت لبزار وسنيت سعدي عند باب الدار، جا اليوم عيدي ونشوف فرحة الصغار.
-صفيت ماء الورد ورشيت بيه الساس وعطيت معاه الوعد ما نرجعش أخلاص اقم بينا السعد ورفعت بيه الراس.
-نركب في البابور ونقطع البحور على جالك يا زهور، نشوف بلاد الغربة ونجيليك البدرون ونزيد حتى البخور وانجيب مهرك مصرور، ربي يوفي الطلبة.
-زوينة يا زوينة والزين ربي اعطاك وطبعتك الحنينة وكحل العين وتاك، وردة في الجنينة، في يد اخصاك يحفظك ربي من لعوينة ويخليك للبغاك.
-أقصدت الورد والياسمين قلت أبخير مرضايا واش ايدرق فالزين زادو شنايا تبكي عليهم بدموع تشفي الثنايا.
– اعقب على باب الدار موعد عالخد أمطار ويقول يا الجار ماعقبش اعليكم غزال شارد ماهوش من لبلاد ما والف لعباد ماعاد من ريحة هنا.
– شجرة عند الباب وطرف أغصانها ذهب، ناديت على لحباب، جاء الطير منصب جاب معاه أجواب معاه ونقب خيار الحب.
-وطيت مع لشعاب نلقى اعشابها وغدير ونقلكم يا لحباب اسلام وفال الخير ارسلتكم بالجواب كل ورقة بطير.
