البوقالة ليست مجرد لعبة أو تسلية، بل طقس رمضاني يحمل طابعا روحانيا واجتماعيا، تجلس النساء حول إناء فخاري،
وتوضع داخله خواتم تملكها الحاضرات، ثم تسحب قطعة مع قراءة مقطع يشبه الشعر الملحون، أو دعاء يُفسر على أنه “فأل” لصاحبة الغرض.
+ صورة 03
-نوضو يا نايمين بنات السلطان جايـيـن فيهـم واحـدة زينـة الزين تعشق الحواجب والعيــن.
-يابـايع المحـاجب ويامقرون الحواجـب ويـن الحبيـب وين الـصـاحب ويـن القلب راه ذاهب.
-الدنيا ولات صعيبـة و ماالصعب تلقـى حبيبـة جنبـك مع جنبهـا ولي طيح فيها تلقاها ذيبـة.
-وينك ياغزالي وينك ياغزالي عودلي واشفق على حالي غيابك عذاب وشوقك نار والحياة بلابيك ما تحلالي.
-عذبني وحـرق لـي قلبـي والشكوى لمـن يا نـاس الشكـوى لمن يا ناس الشكوى غير لربـي.
-داير على باب دارنا يرمي في حب الملوك قالك يا لالة مايشريني بوك قلتيلو الحر مايتباع طم الذهب على الذهب وماتكون طماع قالي نخدم عليك ونصرف الغالي وعلى بنت الرجال نخسر رأس المال.
-بخط يدو معلم قالي راني بعيد بصح من قلبك راني قريب وان شاء الله ما نعود بعيـد سلامـي للحبيب بعثتـو فـي ورق ذهب كتبتو وبحروف فضـة رشمـت رد عليّ السلام مسلم.
-ياقايدين الشموع هاكوا شمعة قيدوها بالاك الغايب يعود والفرحة نعاودها.
-ما تعجبك ورقة الدفلة فالغابة دير الضلايل ومايعجبك زين الطفلة حـتـى تشوف الفعايل.
-ياعلي علي يالي اسمك غالي رجع روحك طبيب ونجي وأجي تشوف حالي نفرشلك فراش حرير ونغطيك بالغالي.
-عمتي ياعمتي واشبيك غضبانة اذا بيك على الطعام راني شبعانة واذا بيك على الماء راني رويانة واذابيك على كحل العين مانديه غير أنــا.
-جازو علي 3 بنات يغرس فالزهر قلت لهم كي ينبت خلولي حقي قالت الاولى هذا الزهر منسوب وقالت الثانية الزهر مكسوب وقالت الثالثة نشوف المكتوب وأنا عقلي مشا مع المكتوب.
-ضحكوا وضحكت معاهم وكليت ملحهم وبعد يمات كذبوني شربولي لمرار ندمت على عرفتهم.
-قلبي مهموم ملقيت لمن نحكيه حكيتوا لبنات عايروني بيه.
-مشيت مشيت حتى عييت جربت مع مليح والدون بصح مازال مالقيت اللي يولمني يحمل طبايعي ويديرني امرة في البيت فرج يا ربي وابعث لي الراجل لي تمنيتوا.
-أنا شابة ومهري غالي واللي يبغيني يديني يحسب النجوم ويسهر الليالي ويبنيلي قصور العلالي وايلا بغا الغالي نجيبلوا بنات و الدراري.
-جيتكم يا الوالدين بجاه النبي لا تخلو يطول عذابي أنـا نبغيها وزينها هـو سبابـي.
