الرئيسية / مجتمع / اعقد وانوي

اعقد وانوي

في قديم الزمان اقتسم سكان العاصمة الجزائر المكان فأصبح للرجل الشارع

وللمرأة السطح، وبما أن كل البيوت متراصة سمح ذلك للنسوة بالانتقال عند بعضهن البعض، وأثناء اجتماعهن كانت البوقالات سيدة الجلسة خاصة في شهر رمضان، حيث تنوي الواحدة بينها وبين نفسها أن تهدي

البوقالة لأحدهم ويقال أنها كثيرا ما كانت “أي البوقالة” تعبر عن حالة صاحبتها.

أما فائدتها فكانت حينها السلوى الوحيدة لنساء العاصمة:

– جارتي يا جارتي قلبي عليك وعيني فيك واش نعمل واش نواسي إذا بوك ما قبل بيا.

 

– قعدتنا زينة فيها لحباب والنساب والبراني يقعد زاهي قدام الباب.

 

 – بابا بغالي ولد عمي ويما بغاتلي ولد خالي وأنا قلتلها ما نخذش غير لي يواتيني.

 

 -قاعدين في الجنان بين الفل والياسمين قالي أنا نويتك حلال ليا يا بنية، قوتلوا إذا كان هكذا روح شوف خاوتي و والديا.

 -يرحم الضعيف ويعاون الزوالي يستحق الشكر من كل الأهالي هذا ما يكون غير ولد خالي.

– خدودها وردي وشفايفها عكري وشعرها كحل توت يا ناس أحسنوا عوني أنا وجهي صفر من مسبوغة لشفار.

– ساس الرملة لا تعليه، وولد الناس لا تربيه.

 -بنتي سومتها غالية وما يديها غير راجل ولد حلالي.

 -قالي نروح للبلاد بعيدة ونجيبلك هدية باش تحني عليا يا بنية، قوتلو قلبي ما يحنش حتى يشوف بعينيا.

 -ترجمان يا ترجمان يا ورد من كل اللوان، جازوا عليا 3 بنات واحدة رافدة الكابة والثانية رافدة الكابة ولخرى رافدة حزام وأنا ديت شوشة سيدي فلان.

 -قولو قولو والقول سابق فيكم أنا ديت الخمري أو 10 في عينيكم.

 -تـوت ـ تـوت نديك ولا نـمـوت.

 -قاعد معاها في التصديرة هو شاب وهي صغيرة الله يحفظهم من العين والغيرة .

 -كحلي كحل التوت والليل الياقوت أنا نحبها واللي يحب يموت يموت.

– لو كان نعرف السعود ينغرس بالعود نغرس ستين عود من عودي وإذا السعد منك يا مسعود يا سقام السعود سقملي سعدي.

-الشاب طالع يفطر والعاتق طالعة تنشر تلاقات العين فالعين والقلب تكسر.

 

 – الشمعة يا الشمعة يا الشمعة الضواية لو كان نعرف واشبيك نمسح هذيك الدمعة من خديك ونرد وجهك مرايا يا ربي يا معبود اقبل دعاية ورجع لي زهو الزمان ويعيا الحبيب قاعد معايا.

 

 

– مع الشمس الصبيحة عيني شافت لبعيد، فارس من الثنية جاني نهار العيد طلبت ربي يحن عليا ويحقق لي حلمي الوحيد.

 

 

 

– شفت الزين بعيني واش يصبرني عليه، ابكيت على سنيني اللي فاتت بلابيه، الحبيب اللي يبغيني ربي ليا يخليه.

– دارنا علات وشمسنا ضوات والطفلة اللي نحبها راهي جات وهي لالة البنات.

– روح يا الطير وصل سلامي للزينة في اوراق التشينة قولها ما زالك في القلب ديما.

– عيني في عين الحبيب وفمي حاشم، أنا تمنيت الحنة ومعاه ندير الخاتم .

– كنت كي لوردة المذبالة جا حبيبي و غير الحالة يا خويا الحب راه كواني ودواه راه شفاني.